Toqaev jahandyq janjaldardy dıplomatııalyq jolmen sheshýdi usyndy

BІShKEK. QazAqparat - ShYU-ǵa múshe memleketter keńesiniń 19-otyrysynda Qazaqstan Prezıdenti Qasym-Jomart Toqaev jahandyq janjaldardy tek qana dıplomatııalyq jolmen sheshý qajettigin aıtty, dep habarlaıdy QazAqparat tilshisi Bishkekten.

Qazaqstan Prezıdenti jahandyq shıelenister men óńirlik janjaldar jaǵdaıynda álemdegi daǵdarysty ahýaldardy saıası sheshýge jan-jaqty kómek kórsetý qajettigine nazar aýdardy.

«Osyǵan baılanysty Qazaqstan Aýǵanstan Islam Respýblıkasy basshylyǵynyń aýǵanishilik saıası dıalogty jáne eldegi ahýaldy turaqtandyrý sharalaryn ilgeriletýine qoldaý bildiredi. Búgin qabyldanatyn Aýǵanstan jónindegi baılanys tobynyń is-qımyl jol kartasy Aýǵanstandaǵy ulttyq tatýlasý protsesine naqty úles qosýǵa baǵyttalǵan», - dedi Memleket basshysy.

Qasym-Jomart Toqaev Qazaqstannyń Sırııa boıynsha halyqaralyq kezdesýlerdi ótkizýdi aldaǵy ýaqytta da jalǵastyratynyn basa aıtty.

«Qazaqstan Iran men Koreıa halyqtyq demokratııalyq respýblıkasynyń ıadrolyq baǵdarlamalaryna qatysty barlyq qarama-qaıshylyqtardy tek qana dıplomatııalyq jolmen sheshýdi jaqtaıdy. Biz bitimgerlik qyzmetimizdi halyqaralyq jáne óńirlik qaýipsizdikti qamtamasyz etýdegi syrtqy saıasatymyzdyń mańyzdy quramdas bóligi retinde qarastyramyz», - Q.Toqaev.