Toqaev: Jahansyzdaný jaǵdaıynda Ortalyq Azııa elderiniń birligi mańyzdy

<p>ASTANA. KAZINFORM &ndash; Ortalyq Azııa elderi basshylarynyń Astanadaǵy kezdesýi óńir memleketterin damytýdyń jańa kezeńine bastaý bola alady. Prezıdent Qasym-Jomart Toqaev Egemen Qazaqstan gazetine jarııalaǵan maqalasynda osyndaı paıym aıtady.</p>

Osynyń aldynda Dýshanbede ótken sammıt bes memlekettiń «ortaq mekenin» transformatsııalaý jolynda kúsh jumyldyrýy Ortalyq Azııanyń ekonomıkasy damyǵan jáne kórkeıgen óńirge aınalýyna qýatty serpin beretinin taǵy bir dáleldedi. Bul rette Astana kezdesýi óńir memleketterin aldaǵy bes jylda (2024-2028 jyldar) damytýǵa arnalǵan jańa kezeńniń bastaýy bolýǵa tıis», - deıdi Meleket basshysy.

Prezıdent Ortalyq Azııa ózin erekshe órkenıet arealy retinde saqtaý úshin ondaǵy elderdiń birligi myqty bolý kerek ekenin aıtady.

«Qazirgi jahansyzdaný jaǵdaıynda Ortalyq Azııa elderiniń óńirishilik yqpaldastyǵy onyń erekshe órkenıet arealy retinde ózin-ózi saqtaýy úshin de, birtutas bolmys retinde óńirdi turaqtandyrý úshin de asa ózekti. Elderimiz ben halyqtarymyzdyń tarıhy men mádenıeti ortaq bolǵandyqtan, bes memleket birin-biri tolyqtyryp otyrady. Bul bizdi biriktiretin basty kúsh bolýǵa tıis. Uly ál-Farabıdiń «Halyqtar baqytqa jetý úshin bir-birine kómektese bilse, búkil jer beti izgilikke tolady» degen sózi bar. Damýdyń jańa kezeńinde bizdiń aldymyzda osy óńirdiń jáne ony meken etken halyqtardyń taǵdyryn aıqyndaıtyn birqatar mańyzdy maqsat-mindet tur», - dep jazady Qasym-Jomart Toqaev.