Toqaev zeınetaqy jınaǵyna baspana alý týraly: Alǵashqy qadam jasaldy

NUR-SULTAN. QazAqparat - Jyl ortasyna deıin zeınetaqy júıesin reformalaýǵa qatysty sheshimimiz aıqyndalýy tıis. Bul týraly Úkimettiń keńeıtilgen otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Baspana satyp alýǵa jáne ózge de qajettilikterge zeınetaqy jınaǵynyń bir bóligin paıdalanýǵa qatysty aıtar bolsam, osynaý mańyzdy máseleni sheshý úshin alǵashqy qadam jasaldy. Bizdiń maqsatymyz - adamdardy qartaıǵan kezde laıyqty zeınetaqysyz qaldyryp, barlyq jınaǵyn qazir bere salý emes»,- dedi Memleket basshysy.

QR Przıdentiniń aıtýynsha, jalaqyny kóleńkeden shyǵarýǵa yntalandyrý qajet. ıAǵnı, adamdar jumys berýshiden zeınetaqy jarnamasyn aýdarýdy talap etýi tıis.

«Úkimet pen Ulttyq bank bul reformany júzege asyrýdy bastaıdy. Mundaı múmkindikter beriletin azamattardyń aıasyn birtindep keńeıte berý qajet bolady. Sonymen qatar zeınetaqy júıesin jańǵyrtýdy jedeldetý de qajet. Onyń tóńireginde de pikirtalas kóp. Degenmen, jyldyń ortasynda bizdiń sheshimderimiz ben ádisterimizdi aıqyndaý kerek»,- dedi Q.Toqaev.