Toqaev Úndistannyń Premer-mınıstri bolyp qaıta saılanǵan Narendra Modıdi quttyqtady

<p>ASTANA. KAZINFORM — Memleket basshysy Úndistannyń Premer-mınıstri Narendra Modıge quttyqtaý jedelhatyn joldady. </p>

Prezıdent Qasym-Jomart Toqaev Narendra Modıdi Úndistan Respýblıkasynyń Premer-mınıstri bolyp qaıta saılanýymen quttyqtady.

Memleket basshysy osyndaı asa joǵary laýazymǵa qaıta saılaný Narendra Modıdiń kóregen saıasatyna degen Úndistan halqynyń berik senimi men qoldaýynyń dáleli ekenin atap ótti.

— Sizdiń dana basshylyǵyńyzben Úndistan ekonomıkasy eń jyldam damyp kele jatqan elderdiń biri retinde óziniń tańqalarlyq jolyn jalǵastyryp, jańa jetistikterge jetetinine senimdimin. Qazaqstan Úndistanmen aradaǵy uzaq jylǵy strategııalyq seriktestikti joǵary baǵalaıdy. Eki el yntymaqtastyǵy halyqtarymyzdyń berik dostyǵyna, ortaq qundylyqtarǵa jáne tyǵyz qarym-qatynasqa negizdelgen, — dep jazylǵan jedelhatta.

Qasym-Jomart Toqaev Narendra Modıdiń barlyq ıgi bastamasyna tabys, al dostas Úndistan halqyna baq-bereke tiledi.