Toqaev: Úkimetke ruqsatsyz qoqys tókkenderdi jazalaý sharalaryn kúsheıtýdi tapsyramyn
«Bir jyl buryn men beı-bereket úıilgen qoqys oryndaryna qatysty júıeli sharalar qabyldaý jóninde tapsyrma berdim. Ókinishke qaraı bul másele áli sheshimin tappaı otyr. Keıbir turmystyq qaldyqtardy kómýge tyıym salyp, tyǵyryqqa tireldik. Kómýge de bolmaıdy, arnaýly oryndar da jetispeıdi. Osy túıtkildi shuǵyl ári júıeli túrde sheshý qajet. Úkimetke ruqsatsyz qoqys tókkenderdi anyqtaý jáne jazalaý sharalaryn kúsheıtýdy tapsyramyn. Ásirese qurylys kompanııalary men qoqys shyǵaratyn kompanııalardy jiti baqylaýda ustaý qajet», - dedi QR Prezıdenti Úkimettiń keńeıtilgen otyrysy barysynda.
Memleket basshysynyń atap ótýinshe, bul jumysqa qoǵam ókilderin jáne ekobelsendilerdi tartqan jón.
«Telefon arqyly jedel habar jelisin iske qosý qajet. Sondaı-aq kelip túsken habarlamalardy shuǵyl óńdep, atqarylǵan jumystyń nátıjesi týraly aqparat berý úshin tsıfrlyq tásilderdi qoldaný kerek. Buǵan qosa, Úkimet ákimdermen birlesip, iri kólemdi jáne qurylys qaldyqtaryn zańdy túrde shyǵarýǵa qajetti jaǵdaı jasaýǵa tıis»,- Qasym-Jomart Toqaev.