Toqaev TMD taǵdyryna qatysty pikir bildirdi
«Qazaqstan - Táýelsiz memleketter dostastyǵy aıasyndaǵy postkeńestik keńistiktegi ekonomıkalyq jáne basqa da baılanystardyń naqty jaqtasy. Barlyǵyna belgili bolyp otyrǵandaı, ekonomıka TMD memleketteri ekonomıkalyq yntymaqtastyǵynyń lokomotıvi sanalady. Dostastyqtaǵy saýda-ekonomıkalyq baılanystardy keńeıtý ásirese qazirgi jaǵdaıda kún tártibindegi basym mindet bolyp otyr. Saýda salasyndaǵy bizdiń ózara is-qımyl tetikterimiz 2011 jyly qol qoıylǵan erkin saýda aımaǵy týraly shart aıasynda qamtamasyz etilgen. Kóp jaǵdaıda osy qujattyń arqasynda bizdiń saýda-ekonomıkalyq qarym-qatynasymyz jańa deńgeıge kóterildi», - dedi Memleket basshysy.
Máselen, QR Prezıdentiniń málimetinshe, Qazaqstan taýar aınalymynyń ortasha eseppen 25 paıyzy TMD boıynsha seriktesterine tıesili bolyp tur. Keıbir memleketter úshin bul kórsetkish 60 paıyzǵa da jetip qalady. 2018 jyly TMD ishindegi taýar aınalymy 191 mlrd dollardan asyp jyǵylyp, 12 paıyzǵa jýyq ósim kórsetti. Oń tendentsııa ótken jyly da baıqaldy.
«Ókinishke qaraı, búgingi kúni syrtqy sebepterdiń jáne qubylmalyq halyqaralyq normalardyń yqpalymen protektsıonıstik rıtorıka Dostastyq memleketteri úshin de normaǵa aınalyp keledi. Óz óndirýshilerin qorǵaý TMD aıasynda qol jetkizilgen ýaǵdalastyqtardan joǵary qoıylýda. Menińshe, bul tendentsııa postvırýstyq kezeńde kúsheıe túsýi múmkin. Búginde indetten týyndaǵan jahandyq daǵdarys jaǵdaıynda jáne shıkizattyq taýarlar baǵasynyń quldyraýy aıasynda Eýrazııalyq ekonomıkalyq odaq aıasyndaǵy basty mindet ekonomıkalyq jáne saýda baılanystardy saqtaý bolyp otyr», -dedi Memleket basshysy.
Qazaqstan Prezıdenti atalǵan odaq aıasynda kapıtaldy ilgeriletý, qyzmetter, jumys kúshi, jáne saýda erkindigi bar ekenin basa aıtty.
«Endigi ýaqytta saýda 4 erkindiktiń bastysyna aınalady. Ókinishke qaraı, daǵdarys kezinde ishki naryqtarda jańa kedergiler paıda bolady. Qazirgi kezeńde odan qashyp qutyla da almaıtyn sııaqtymyz. Biraq, olardyń ýaqytsha ekeni jáne qarym-qatynastarymyzdyń normasyna aınalmaýy mańyzdy. Birlesken jobalardy qarjylandyrý úshin birikken jobamyz - Eýrazııalyq damý bankiniń múmkindikterin tıimdi paıdalanýymyz qajet. Ásirese, postdaǵdarys kezeńinde», - dedi Qasym-Jomart Toqaev.