Toqaev TMD elderi basshylarynyń kezdesýinde qandaı máseleler qaralatynyn aıtty
«Qonaqjaı Qazaqstan jerine qosh keldińizder. Eń aldymen, Qazaqstannyń TMD-ǵa tóraǵalyǵy aıasyndaǵy bastamalaryn qoldap, osy kúnderi Astanada ótip jatqan halyqaralyq is-sharalarǵa belsendi qatysqandaryńyz úshin shyn júrekten alǵys aıtamyn.
Búgin Keńes múshesi retinde Túrikmenstan Prezıdenti, qurmetti Serdar Gýrbangýlyuly Berdimuhamedov otyrysqa alǵash ret qatysyp otyr. Osy jerdegi áriptesterdiń jáne ózimniń atymnan Sizge qosh keldińiz deı otyryp, jaýapty memlekettik qyzmetińizge tabys tileımin», - dedi Memleket basshysy.
Sondaı-aq, Memleket basshysy búgingi kezdesýde qandaı máseleler talqylanatynyn aıtty.
«Qurmetti áriptester! Gýmanıtarlyq seriktestikke, qaýipsizdikke jáne yntymaqtastyǵymyzdyń basqa da aspektilerine qatysty mańyzdy máseleler Memleketter basshylary keńesiniń qaraýyna usynylyp otyr», - dedi Qasym-Jomart Toqaev.
Osyǵan deıin sharaǵa Ázerbaıjan, Armenııa, Belarýs, Qyrǵyzstan, Reseı, Túrikmenstan, Tájikstan, Ózbekstan basshylary, sondaı-aq atqarý komıtetiniń tóraǵasy – TMD atqarýshy hatshysy qatysatyny aıtylǵan.