Toqaev tek qana otandyq ónimmen jabdyqtalǵan Harmony Steam School mektebine bardy

<p>Memleket basshysy YDA Industrial Park birikken óndiris kesheniniń jumysymen tanysty. Kópsalaly óndiris kesheniniń quramyna medıtsına jáne keńse jıhazdaryn, medıtsınalyq jabdyqtar, modýldi qurylystar men metall konstrýktsııalaryn, terezeler men vıtrajdar shyǵaratyn bes kásiporyn kiredi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Atalǵan bes kásiporyn ózara tyǵyz baılanysty, sol arqyly ortaq jobany júzege asyrýǵa birlese atsalysady.

Foto: Aqorda

Bul — keshenniń ózindik ereksheligi Al óndiriletin ónimder ımportty almastyrady.

Taýar quny da, sapasy da sheteldik balamalarynan kem túspeıdi.

Foto: Aqorda

Qasym-Jomart Toqaev kompanııanyń óndiris tsehtary men ónim túrleri qoıylǵan shoýrýmdy aralap kórdi.

Joba ınvestory, túrkııalyq YDA Group kompanııasy dırektorlar keńesiniń tóraǵasy Hýsseın Arslannyń aıtýynsha, birikken óndiris alańy jeke ınvestıtsııa (30%) men qaryz qarajaty (70%) esebinen 2021-2022 jyldary iske qosylǵan.

Foto: Aqorda

Jalpy quny 22 mlrd teńge bolatyn joba aıasynda 300 adam jumyspen qamtylǵan.

Foto: Aqorda

Memleket basshysyna YDA Group ónimderimen tolyq jabdyqtalǵan jáne kompanııanyń qarjysyna salynǵan «Harmony Steam School» mektebi tanystyryldy

Balalar munda naqty ǵylymdarǵa basymdyq bere otyryp, STEAM (Science, Technology, Engineering, Arts, Math) tehnologııasy boıynsha oqıdy. Mektepti bitirgen túlekter ınjenerlik mamandyq alyp shyǵady.

Foto: Aqorda

— STEAM — fızıka, matematıka sııaqty tehnıkalyq pánderge basa mán beriletin erekshe baǵdarlama. Sapaly bilimge qatysty barlyq bastamaǵa oń kózben qaraımyn. Biz sizderdi qoldaımyz, –dedi Qasym-Jomart Toqaev.

Memleket basshysy otandyq óndiristi damytý jáne iri jobalardy iske asyrý kezinde jergilikti ónimder men qyzmetterdiń úlesin arttyrý mańyzdy ekenin atap ótti.

Foto: Aqorda