Toqaev syrttaǵy kapıtaldy qaıtarý týraly: Bizge zań qabyldaý kerek

ASTANA. QazAqparat –Qasym-Jomart Toqaev elden zańsyz shyǵarylǵan kapıtaldy qaıtarý týraly pikir bildirdi, dep habarlaıdy QazAqparat tilshisi.

«Túrli baǵalaýlarǵa qaraǵanda, táýelsizdik jyldarynda Qazaqstannan 50-den 150 mlrd dollarǵa deıin aktıv shyǵarylǵan degen málimetter bar. Osy qarajattyń Qazaqstanǵa qaıtýy úshin ne qajet dep oılaısyz? Adamdardyń erki me, álde memlekettiń josparly jumysy kerek pe?», - dep surady jýrnalıst.

«Memlekettiń josparly jumysy jalǵasa beredi. Men bul týraly buryn da aıttym. Bas prokýror basshylyq etetin arnaıy komıssııa quryldy. Bul sharýany ózim jeke úılestiremin. Ýaqyt óte kele biz elimizden zańsyz shyǵarylǵan kapıtaldy qaıtarý boıynsha zań qabyldaýymyz kerek dep topshylaımyn. Óz erkimen qaıtarý týraly aıtsaq, ony qoldaımyz», - dedi Qasym-Jomart Toqaev.