Toqaev Sıngapýrdyń aǵa mınıstri Lı Sıan Lýnmen kezdesti

<p>SINGAPÝR. KAZINFORM&nbsp;&mdash; Memleket basshysy Sıngapýrdyń úshinshi Premer-mınıstri, aǵa mınıstri Lı&nbsp;Sıan Lýnmen kezdesti.&nbsp;</p>

Prezıdent Qasym-Jomart Toqaev Qazaqstannyń Azııadaǵy ýaqyt synynan ótken senimdi seriktesi Sıngapýrmen yntymaqtastyqty joǵary baǵalaıtynyn atap ótti.

Onyń aıtýynsha, jýyrda el basshylyǵynyń aýysqany Sıngapýr úshin mańyzdy kezeń boldy.

Foto: Aqorda

Qasym-Jomart Toqaev osy oraıly sátti paıdalana otyryp, Lı Sıan Lýndy Sıngapýrdyń aǵa mınıstri qyzmetine kirisýimen quttyqtady.

Prezıdent el basshylyǵynyń úshinshi býyny teńdikke, merıtokratııaǵa, tıimdi basqarý men áleýmettik úılesimdilikke negizdelgen tabysty ári ushqyr oıly ult qalyptastyrý sekildi Lı Kýan ıÝ murasynyń ozyq úlgisin saqtap, damytyp kele jatqanyna nazar aýdardy.

Qasym-Jomart Toqaev Lı Sıan Lýnnyń 20 jyl ishinde Qazaqstan men Sıngapýr arasyndaǵy jan-jaqty seriktestikke aıtarlyqtaı úles qosqanyn ári elimizdiń shynaıy dosy ekenin aıtty.

Lı Sıan Lýn eki el arasyndaǵy ózara tıimdi yntymaqtastyqty nyǵaıtýdyń mańyzyn atap ótti. Onyń aıtýynsha, Sıngapýr Qazaqstanmen strategııalyq áriptestikti odan ári jalǵastyrýǵa nıetti.

Foto: Aqorda

Kezdesýde saýda-ekonomıka, ınvestıtsııa, qarjy, kólik-logıstıka jáne gýmanıtarlyq salalardaǵy yqpaldastyq máseleleri talqylandy. Sondaı-aq halyqaralyq kún tártibiniń ózekti baǵyttary jan-jaqty qarastyryldy.