Toqaev ShYU elderin Halyqaralyq jasyl tehnologııalar ortalyǵymen yntymaqtastyqqa shaqyrdy

BІShKEK. QazAqparat - ShYU-ǵa múshe memleketter keńesiniń 19-otyrysynda Qazaqstan Prezıdenti Qasym-Jomart Toqaev uıym elderin Nur-Sultan qalasyndaǵy Halyqaralyq jasyl tehnologııalar ortalyǵymen yntymaqtastyqqa shaqyrdy, dep habarlaıdy QazAqparat tilshisi Bishkekten.

«Klımattyń ózgerý problemasy - qazirgi syn-tegeýrinderdiń eń kókeıtestileriniń biri bolyp otyr. ShYU qorshaǵan ortany qorǵaý boıynsha halyqaralyq qoǵamdastyq qyzmetine belsendi qatysýy tıis dep sanaımyz», - dedi Memleket basshysy.

Osy rette Qazaqstan Prezıdenti atalǵan saladaǵy yntymaqtastyq úshin turaqty qoldanystaǵy tuǵyrnama qurýdy usyndy.

«Turaqty damý prıntsıpterine járdemdesý maqsatynda ShYU elderi men seriktesterin Nur-Sultan qalasyndaǵy Halyqaralyq jasyl tehnologııalar jáne ınvestıtsııalyq jobalar ortalyǵymen yntymaqtastyqqa shaqyramyz», - dedi Q.Toqaev.