Toqaev: ShYU-daǵy ortaq talpynys – «bári de adamdar» úshin degen maqsatqa baǵyttalýy kerek

NUR-SULTAN. QazAqparat – Memleket basshysy Qasym-Jomart Toqaev Shanhaı Yntymaqtastyq uıymyna múshe memleketterdi zamannyń kúrdeli máselelerin sheshý úshin tıimdi sheshim qabyldaýǵa shaqyrdy, dep habarlaıdy QazAqparat tilshisi.

«Geoekonomıka salasynda eki polıarlyq tendentsııanyń – jahandaný men ultshyldyqtyń qaıshylyǵyn kórip otyrmyz. BUU málimetterine sáıkes, álemdik ekonomıkanyń quldyraýy 2020 jyldyń qorytyndysy boıynsha 4,4 paıyzǵa jetedi. Halyqaralyq týrısterdiń aǵymy shamamen 70 paıyzǵa deıin qysqarady. Tikeleı ınvestıtsııalar aǵymynyń kólemi 40 paıyzǵa deıin quldyraıdy. Osyndaı jaǵdaıda biz mańyzdy máseleler boıynsha tıimdi sheshim qabyldaýymyz kerek. ShYU-ny bizdiń azamattardyń túpkilikti múddesi úshin qıyn jaǵdaıǵa beıimdeı alamyz ba? Shanhaılyq rýh jáne úılesken jaýaptardy izdeýdegi ózara syıly tájirıbe – túbinde osynaý aýqymdy máseleni sheshýge kómektesetinine senemin», - dedi Qasym-Jomart Toqaev.

Prezıdent «Qazaqstan ortaq talpynys – «bári de adamdar» úshin degen maqsatqa jetý úshin jumsalýy kerek» dep esepteıtinin aıtyp ótti.

«Dál osy maqsattan pandemııa men basqa da tegeýrinderdiń aldyndaǵy bizdiń ujymdyq ımmýnıtetimizdiń bekıtinin kórip otyrmyz», - dedi ol.

Aıta ketsek, Memleket basshysy Qasym-Jomart Toqaev vıdeokonferentsııa rejıminde ótip jatqan Shanhaı Yntymaqtastyq uıymyna múshe memleketter basshylary keńesiniń otyrysynda qatysýda.