Toqaev shtaby oraldyq jumysshylarǵa saılaýaldy baǵdarlamasyn tanystyrdy
Alǵashqy kezdesý «Batys Qazaqstan mashına jasaý kompanııasy» AQ-da ótti. Qoǵamdyq shtabtyń jetekshisi Máýlen Áshimbaev basqosý barysynda kandıdattyń saılaýaldy baǵdarlamasy týraly jan-jaqty aıtyp berdi.
RQSh basshysy Qasym-Jomart Toqaevtyń Tuńǵysh Prezıdent - Elbasy Nursultan Nazarbaev qolǵa alǵan baǵytty jalǵastyratynyna aıryqsha toqtaldy. Sondaı-aq, kandıdattyń óz baǵdarlamasynda Qazaqstannyń strategııalyq áriptes sanalatyn birqatar memlekettermen tıimdi qarym-qatynasty damytýdy kózdep otyrǵanyn tilge tıek etti.
Aıta keteıik, «Batys Qazaqstan mashına jasaý kompanııasy» - Oral aımaǵyndaǵy ekonomıkalyq sektordy kóterýge úles qosyp kele jatqan 30 jyldyq tarıhy bar biregeı kásiporyn. Qazaqstandaǵy munaı men gaz tasymalyna, energetıkalyq qurylǵylar men qurylys salasyna qajet joǵary tehnologııalyq qural-jabdyqtar osynda óndiriledi. Munda myńnan astam batysqazaqstandyq eńbek etedi.