Toqaev reseılik bıznesti birlesip halal azyq-túlik shyǵarýǵa shaqyrdy

<p>Qazaqstan aldaǵy 5 jylda agrosektorda 2,7 trln teńge somasyna 900-ge jýyq ınvestıtsııalyq jobany iske asyrady. Bul týraly Qazaqstan men Reseıdiń XIX Óńiraralyq yntymaqtastyq forýmynda Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

«Biz 3 jyl ishinde agroónerkásip keshenindegi qaıta óńdelgen ónimniń úlesin 70 paıyzǵa deıin arttyrý mindetin qoıyp otyrmyz. Ony iske asyrý úshin áleýmettik mańyzy bar azyq-túlik taýarlary boıynsha ımportqa táýeldilikti tómendetýge baǵyttalǵan iri ınvestıtsııalyq jobalardy iske asyrý bastaldy. Aldaǵy jyldary 115 taýarly-sút fermasy salynady. Bul sút óndirý kólemin 600 myń tonnaǵa arttyrýǵa múmkindik beredi. Biz jylyna 120 myń tonnadan astam et óndiretin 15 iri qus fabrıkasyn salamyz. Aldaǵy 5 jylda Qazaqstan agrosektorda 2,7 trln teńge somasyna 900-ge jýyq ınvestıtsııalyq jobany iske asyrýdy josparlap otyr», - dedi Qasym-Jomart Toqaev.

Prezıdenttiń atap ótýinshe, ekologııalyq taza eksportqa baǵdarlanǵan, halyqaralyq, onyń ishinde halal standarttaryna saı keletin básekege qabiletti ónim shyǵarýǵa basymdyq beriledi.

«Qazaqstan Azyq-túlik qaýipsizdigi jónindegi ıslam uıymynyń negizin qalaýshylardyń biri sanalady. Onyń quramyna halyq sany 1,5 mlrd adamnan asatyn 37 memleket kiredi. Bizdiń elderimiz bul naryqqa sertıfıkattalǵan halal ónimderi eksportyn birlesip ilgerilete alar edik. Biz reseılik bıznesti osy baǵyttaǵy tyǵyz yntymaqtastyqqa shaqyramyz», - dedi Memleket basshysy.