Toqaev ońaı olja tabý týraly jarnamalarǵa senbeýge shaqyrdy

<p>ASTANA. KAZINFORM &ndash; Ádemi ómir súrý men ońaı olja tabý týraly jarnamalar halyqtyń sanasyna barlyq jetistikke qınalmaı qol jetkizýge bolady degen bos qııaldy sińiredi. Bul týraly Aýyl sharýashylyǵy qyzmetkerleriniń birinshi forýmynda Memleket basshysy Qasym-Jomart Toqaev aıtty.</p>

«Eńbekqorlyq pen jaýapkershilik ultymyzdyń biregeı bolmysyna aınalýǵa tıis. Búginde áleýmettik jelilerde ádemi ómir súrý men ońaı olja tabý týraly jarnamalar kóbeıip ketti. Bul halyqtyń sanasyna barlyq jetistikke qınalmaı qol jetkizýge bolady degen bos qııaldy sińiredi. Jastardyń belgili bir bóligi soǵan senip, altyn ýaqyttaryn bosqa sarp etýde. Kez kelgen jetistikke tynymsyz eńbek qana jetkizetini daýsyz. Burynǵylar «Eńbek bárin jeńbek» dep beker aıtpaǵan», - dedi Qasym-Jomar Toqaev.

Prezıdent elimizdegi ár azamattyń adal ári jaýapty eńbek arqyly tabysqa jetkenin qalaıtyndyǵyn basa aıtty.

«Bul – azamattarymyzdyń ómirlik maqsatyna aınalýǵa tıis. «Adal adam – Adal eńbek – Adal tabys» qaǵıdasynyń máni de osynda jatyr. Men jastarǵa senetinimdi únemi aıtyp kelemin. Aýyl sharýashylyǵy jastardyń ózin tanytýyna mol múmkindik beredi dep oılaımyn. Aýylǵa maman tartýdyń qanshalyqty qıyn ekenin jaqsy biletin sharýashylyq basshylary bul iske erekshe múddeli», - dedi Memleket basshysy.