Toqaev munaı ónimderiniń baǵasyn memlekettik retteý boıynsha tapsyrma berdi

NUR-SULTAN. QazAqparat - Memleket basshysy Qasym-Jomart Toqaev elimizdegi áleýmettik-ekonomıkalyq jaǵdaıǵa qatysty keńeste áleýmettik-ekonomıkalyq ahýaldy turaqtandyrý úshin birqatar qosymsha tapsyrma berdi, dep habarlaıdy QazAqparat.

1. Munaı ónimderiniń (benzın, dızel, suıytylǵan gaz) baǵasyna memlekettik retteýdi 180 kúnge engizý;

2. Áleýmettik mańyzy bar azyq-túlik taýarlarynyń baǵasy boıynsha memlekettik retteýdi engizý. Sheshimdi naqty aımaqtaǵy áleýmettik-ekonomıkalyq jaǵdaıǵa qaraı óńirlerdiń ákimderi qabyldaıdy;

3. «Jeke tulǵalardyń bankrottyǵy týraly» Zańdy ázirleýge kirisý;

4. Halyq úshin 180 kúnge kommýnaldyq tarıfterdi kóterýge moratorıı engizý qajettigin qarastyrý;

5. Halyqtyń áleýmettik jaǵdaıy nashar toptary úshin naryqtaǵy baspanany jalǵa alý qunyn sýbsıdııalaý máselesin qarastyrý;

7. Densaýlyq saqtaý jáne balalar máselelerin sheshý úshin «Qazaqstan halqyna» dep atalatyn qoǵamdyq qor qurý, ony memlekettik jáne jeke kózder arqyly qarjylandyrý.

Jıyn barysynda Іshki ister mınıstri Erlan Turǵymbaev, UQK tóraǵasy Kárim Másimov, Bas prokýror Ǵızat Nurdáýletov baıandama jasady.