Toqaev Memlekettik týdyń máni týraly aıtty

ASTANA. QazAqparat – Elimizdiń barsha azamattaryn biriktirip, ortaq iske jumyldyratyn taǵy bir sımvol – Memlekettik tý. Bul týraly Prezıdent Qasym-Jomart Toqaev Respýblıka kúnine oraı memlekettik nagradalar men syılyqtar tapsyrýǵa arnalǵan saltanatty rásimde aıtty, dep habarlaıdy QazAqparat.

«Elimizdiń barsha azamattaryn biriktirip, ortaq iske jumyldyratyn taǵy bir sımvol – Memlekettik tý. Egemen eldiń aspanynda, Birikken Ulttar Uıymynyń tórinde jelbiregen týymyz – bárimizdiń maqtanyshymyz. Qazaqstannyń kók baıraǵy ǵaryshqa sapar shekti, eń bıik shyńdarda jelbiredi. Týymyzǵa arnalǵan keremet ánder, óleń-jyrlar bar. Árbir azamatymyz olardy tyńdaǵan saıyn erekshe rýhtanady. Sportshylarymyz álemdik jarystarda týymyzdy kóterip, ánuranymyzdy shyrqap júr. Olardyń kók týymyzǵa degen erekshe qurmeti barsha álemdi tánti etýde. Bul – naǵyz otanshyldyqtyń belgisi. Shynaıy otansúıgishtik árbir azamatymyzdyń boıynda bar», - dedi Memleket basshysy.