Toqaev memlekettik qurylymdar ázirlegen barlyq aqparattyq júıege tekserý júrgizýdi tapsyrdy

NUR-SULTAN. QazAqparat - QR Prezıdenti Qasym-Jomart Toqaev Sybaılas jemqorlyqqa qarsy is-qımyl máseleleri jóninde keńeste aqparattyq júıeler men derekter bazasynyń jumysyna qatysty máselelerge arnaıy toqtady, dep habarlaıdy QazAqparat.

«Olar qandaı mindetter oryndaıdy, olarǵa kimniń qoly jetimdi, qansha qarjy jumsaldy, azamattar men memleketke odan qandaı paıda bar? Tsıfrlandyrý jónindegi jumystardyń basymdyqtary naqty júıelenýi kerek. Memleket qyzmet túrlerin alýdy shynaıy túrde jeńildetetin «Elektrondy úkimet» nemese júrgizýshilerdiń jol júrý tártibin kúsheıtken jáne jol erejeleriniń buzylýyn tirkeýde adamı faktordy almastyrǵan «Sergek» sııaqty jobalar bolsa, onda jón. Sonymen qatar eger tsıfrlandyrý degen jeleýmen bıýdjetten qarjy jumsalyp, keıin eshkimge qajeti joq resýrstarǵa kórsetilgen qyzmet úshin bireýler mıllıondap alatyn bolsa, onda áńgime basqa», – dedi Prezıdent.