Toqaev Makronǵa syılaǵan tazy kúshikterine Jıýl jáne Janna degen esim berildi

<p>ASTANA. KAZINFORM — Memleket basshysy Qasym-Jomart Toqaev Frantsııa Prezıdenti Emmanıýel Makronǵa syılaǵan qazaqy tazynyń eki kúshigi Frantsııaǵa jetkizildi. </p>

Byltyr qarasha aıynda Memleket basshysynyń shaqyrýymen Astanaǵa saparmen kelgen Frantsııa Prezıdenti etnoaýyl kórmesin aralap kórip, qazaq halqynyń baı mádenı murasymen tanysqan edi.

Kórme ortalyǵyn tamashalaý barysynda Emmanıýel Makronǵa qazaqy tazynyń tuqymy erekshe unaǵan bolatyn.

Sol kezde Qasym-Jomart Toqaev frantsııalyq áriptesine tazy syılaýǵa ýáde bergen-tin.

Foto: Aqorda

Keıin Parıjge qazaqy tazynyń bes aılyq eki kúshigi jetkizildi. Qos tazyny frantsýz veterınarlary tekserip, ýaqytsha karantınge jiberdi. Sondaı-aq Frantsııa tarapyna kúshikterdi tamaqtandyrý jáne úıretý jónindegi nusqaýlyq berildi.

Tazy kúshikterine Jıýl jáne Janna degen jarasymdy esim berilgeni málim boldy.

Kúshikter Makron otbasynyń Nemo esimdi qara labradorymen «dostasyp» úlgergen.

Aıtpaqshy, bul ıtti erli-zaıypty Makrondar 2017 jyly janýarlar panalaıtyn jerden asyrap alǵan bolatyn.