Toqaev lıngvıstıka komıssııasynda nelikten emtıhan tapsyrmaıdy - OSK jaýaby

ASTANA. QazAqparat – Ortalyq saılaý komıssııasynyń hatshysy Muhtar Erman QR prezıdenttigine úmitker Qasym-Jomart Toqaev lıngvıstıka komıssııasynda memlettik tilden emtıhandy nelikten tapsyrmaıtynyn túsindirdi, dep habarlaıdy QazAqparat tilshisi.

«Qazaqstan Respýblıkasyndaǵy Saılaý týraly QR Konstıtýtsııalyq Zańynyń 54-baby 2-tarmaǵyna sáıkes, kandıdattyń memlekettik tildi erkin meńgergenin anyqtaý protsedýrasy kandıdatýrasy kelesi ókilettik merzimge usynylǵan respýblıkanyń is basyndaǵy Prezıdentine qoldanylmaıdy», - dedi OSK hatshysy.

Ortalyq saılaý komıssııasy Qasym-Jomart Toqaevtyń prezıdenttikke kandıdatýrasyn talaptarǵa saı dep sheshkeni týraly buǵan deıin jazǵan bolatynbyz.

Eske salsaq, keshe QR Ortalyq saılaý komıssııasynda QR prezıdenttigine kandıdattardyń memlekettik tildi erkin meńgerýin belgileý jónindegi lıngvıstıka komıssııasynyń birinshi uıymdastyrý otyrysy ótken edi. Komıssııa quramyna fılologııa, til bilimi men ádebıet salasyndaǵy kórnekti ǵalymdar: Ahmetov Ádil Qurmanjanuly, Esim Garıfolla, Dádebaev Janqara Dádebaıuly, Qurmanbaı Gúltas Saıynqyzy, Qamzabekuly Dıhan, Fazyljanova Anar Muratqyzy endi.

Qazaqstan prezıdenttigine kandıdattar týraly tolyq málimetti myna siltemeden oqýǵa bolady.