Toqaev kvazımemlekettik sektordaǵy tıimsiz shyǵystardy qysqartýdy tapsyrdy
14:36, 24 Qańtar 2020
NUR-SULTAN. QazAqparat - Kvazımemlekettik sektordaǵy tıimsiz shyǵystardy qysqartý qajet. Bul týraly Úkimettiń keńeıtilgen otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Bıýdjettik saıasattyń tıimdiligin tyńǵylyqty zerdeleý qajet. Men ımıdjdik is-sharalarǵa bıýdjet shyǵystaryn qysqartýdy tapsyrǵan edim. Úkimet shyǵystardy 300 mlrd teńgege ońtaılandyrdy. Degenmen, muny máseleni sheshýdegi alǵashqy qadam dep sanaımyz», - dedi Qazaqstan Prezıdenti.
Sonymen qatar Memleket basshysy dál osyndaı jumysty kvazımemlekettik sektorda da júrgizý qajettigin atap ótti.
«Ónimsiz shyǵystardy qysqartýǵa baǵyttalǵan dál osyndaı jumysty kvazımemlekettik sektorda da júrgizý qajet. Úkimetke 2020 jyldyń 1 mamyryna deıin atqarylǵan jumystardy baıandaýdy tapsyramyn», - dediQasym-Jomart Toqaev.