Toqaev koronavırýstan keıin týyndaǵan jahandyq máselelerdi atady

NUR-SULTAN. QazAqparat – Koronavırýstyń taralýy barsha álemge, saıasatqa, ekonomıka men áleýmettik qatynastarǵa yqpalyn tıgizdi. Bul týraly Memleket basshysy Qasym-Jomart Toqaev Álemdik jáne dástúrli dinder lıderleriniń sezinde aıtty, dep habarlaıdy QazAqparat tilshisi.

«Ókinishke oraı, dúnıejúzilik densaýlyq saqtaý júıesi bul jahandyq máseleni eńsere almady jáne bul indetpen kúrestiń ótkir kezeńi birjaqty ultshyldyqtyń, vaktsınalyq ultshyldyqtyń órshýine, eksport pen saıahattyń jabylýyna, halyqaralyq ınstıtýttardyń álsireýine ákep soqty», - dedi Prezıdent «Álemdik jáne dástúrli dinder lıderleriniń pandemııadan keıingi kezeńdegi adamzattyń rýhanı jáne áleýmettik damýyndaǵy róli» plenarlyq otyrysynda.

Prezıdent halyqaralyq saýdanyń, damýshy elderge qoldaý kórsetýdiń jańa tásilderi qajet ekenin atap ótti.

«Karantın sharalary jetkizý tizbekterin buzyp, týrızm, qyzmet kórsetý, kólik jáne basqa da salalarǵa jaǵymsyz áserin trgizdi. Álemniń az damyǵan aımaqtarynda azyq-túlik oryn aldy. Sol aralyqta álemdik derjavalar arasyndaǵy geosaıası konfrontatsııa kúsheıip, túrli aımaqtarda shıelenistiń kóbeıýine ákep soqty. Aldyńǵy halyqaralyq qaýipsizdik júıesi kóz aldymyzda qıraýda. Ekstremızm men terrorızm eń kúrdeli syn-qater bolyp qaldy. Energetıkalyq krızıs kómirsýtegi neıtraldyǵyna qol jetkizýge kedergi keltirýde. Bul synaqtarǵa beı-jaı qaraı almaımyz», - dedi Qasym-Jomart Toqaev.