Toqaev: Kóp balaly jáne az qamtylǵan otbasylardyń balalaryna 5 myń bilim granty bólinedi
16:33, 26 Maýsym 2019
NUR-SULTAN. QazAqparat - Kóp balaly jáne az qamtylǵan otbasylardyń balalaryna 5 myń bilim granty bólinedi. Bul týraly búgin Aqordada BAQ ókilderine QR Prezıdentiniń syılyqtary men granttaryn tabystaý rásiminde Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Bıylǵy jyldyń 1 qyrkúıeginde az qamtylǵan jáne kópbalaly otbasylardyń balalary úshin joǵary oqý oryndaryna qosymsha 5 myń bilim granty bólinetin bolady. Ázirshe 5 myń, odan keıin bul júıe jumys isteıtin bolsa, kóre jatarmyz», - dedi Q.Toqaev.
Memleket basshysy bul jumystyń mańyzdy elementi áleýmettik az qamtylǵan halyqtyń ishinen talantty balalar men jasóspirimderdi oqytý jáne joǵary oqý oryndaryna túsýge daıyndaý júıesi bolatyndyǵyn basa aıtty.