Toqaev: Qoǵamnyń eń aýqatty bóligin Ádiletti Qazaqstandy qurýǵa qatystyrý sharalary jasalýda
«Biz qoǵamnyń eń aýqatty bóligin Ádiletti Qazaqstandy qurýǵa, sondaı-aq ekonomıkany ártaraptandyrýǵa jáne adam kapıtalyna ınvestıtsııany arttyrýǵa qatystyrý sharalaryn jasap jatyrmyz. Jaqynda balalarǵa arnalǵan Ulttyq qor qurý týraly bastama kóterdim. 2024 jyldan bastap Ulttyq ál-aýqat qorynyń ınvestıtsııalyq kirisiniń 50 paıyzy kámelettik jasqa tolǵanǵa deıin balalardyń arnaıy jınaq shottaryna aýdarylady. Bul qarajatty bilim alýǵa nemese turǵyn úı satyp alýǵa jumsaýǵa bolady», - dedi Memleket basshysy.
Qasym-Jomart Toqaev qazir «Qazaqstan halqyna» arnaıy jeke qaıyrymdylyq qory da qarapaıym azamattarǵa densaýlyq, bilim, áleýmettik qamsyzdandyrý máselelerinde kómek kórsetip kele jatqanyn aıtty.
«Áıelderdiń quqyǵyn odan ári keńeıtýdi jáne olardyń ekonomıkalyq jáne áleýmettik ómirge qatysýyn qamtamasyz etý – bizdiń maqsatymyz», - dedi QR Prezıdenti.