Toqaev: Qazaqstan jastary bilimdi, jan-jaqty damyǵan

ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Jastar jylyna baılanysty pikir bildirdi, dep habarlaıdy QazAqparat.

«Qazaqstan jastary bilimdi, jan-jaqty damyǵan ári daryndy. Bizdiń elimizdiń bolashaǵy solardyń qolynda. Memleket basshysy ashqan Jastar jyly jas urpaqtyń ózekti máselelerin sheshýge kúshti serpin beredi, olardyń ózin-ózi tanytýǵa múmkindik týǵyzady», - dedi Q. Toqaev tvıtter áleýmettik jelisindegi paraqshasynda.

Sonymen qatar, ol Qazaqstannyń ozyq oıly jastary ǵylymda, ІT-tehnologııasynda, mádenıet, bıznes pen sportta tamasha nátıjelerge qol jetkizgenin atap ótti. Onyń paıymynsha, qabiletti, jigerli jastarǵa tıisti jaǵdaı jasap, ynta-yqylasyn arttyrý kerek.

«Senatorlar Jastar jylyn qoldaýǵa baǵyttalǵan jumystarǵa qyzý kiristi. 7 aqpanda Senatta dóńgelek ústel otyrysy bolady, onda depýtattar men jastar ókilderi jas urpaqtyń bastamalaryn zań júzinde qoldaý múmkindikterin talqylaıdy», - dep jazady Senat tóraǵasy.