Toqaev: Qazaqstan TMD elderi qadaǵalaýshy organdarynyń kópjyldyq yntymaǵyn joǵary baǵalaıdy

NUR-SULTAN. QazAqparat –QR Memlekettik hatshysy Qyrymbek Kósherbaev TMD memleketteri bas prokýrorlary úılestirý keńesiniń májilisinde Memleket basshysy Qasym-Jomart Toqaevtyń quttyqtaý sózin oqydy, dep habarlaıdy QazAqparat tilshisi.

«Sizderdi Qazaqstanda qarsy alyp jatqanymyzǵa shyn júrekten qýanyshtymyn. TMD elderi bas prokýrorlarynyń úılestirý keńesi adam quqyqtaryn qorǵaý salasyndaǵy úzdik álemdik praktıkalardy zerdelep, talqylaıtyn mańyzdy alań bolyp tabylady. Ózara is-qımyldyń mundaı formaty-quqyqtyq saladaǵy tıimdi halyqaralyq yntymaqtastyqtyń úlgisi. TMD keńistiginde zańdylyq pen quqyqtyq tártipti qamtamasyz etý úshin jalpy kúsh-jiger barǵan saıyn suranysqa ıe bolyp keledi. Osy jaǵdaıda Úılestirý keńesi áriptestikti keńeıtýge jáne óńirdegi turaqtylyqty nyǵaıtýǵa qomaqty úles qosady. Prokýratýranyń qyzmeti búkil quqyq qorǵaý júıesiniń tıimdiliginde, quqyq ústemdigin qamtamasyz etýde jáne zań aldyndaǵy teńdikte basty ról atqarady. Qazaqstan TMD elderiniń qadaǵalaýshy organdarynyń kópjyldyq yntymaqtastyǵyn joǵary baǵalaıdy. Búgin osy saladaǵy ózekti saýalnamalar jemisti talqylanyp, birlesken jumystyń jańa basymdyqtary belgilenetinine senimdimin. Otyrysqa qatysýshylarǵa tabys jáne alǵa qoıylǵan barlyq mindetterdi júzege asyrýdy tileımin», - delingen Prezıdenttiń quttyqtaýynda.