Toqaev Qatar memleketiniń Ulttyq merekesimen quttyqtady

<p>ASTANA. KAZINFORM &mdash; Prezıdent Qatar Memleketiniń Ámirine quttyqtaý jedelhatyn joldady, dep habarlaıdy Aqordanyń baspasóz qyzmeti.</p>

Qasym-Jomart Toqaev sheıh Támım ben Hamad Ál Tánı men onyń otandastaryn Qatar Memleketiniń Ulttyq merekesimen quttyqtady.

Memleket basshysy Qatar Qazaqstannyń arab álemindegi senimdi ári basty seriktesteriniń biri ekenine toqtalyp, eki el arasynda syndarly jáne mazmundy qarym-qatynas ornaǵanyn atap ótti. Sondaı-aq dástúrli dostyq pen baýyrlastyq rýhyndaǵy berik yntymaqtastyq nyǵaıa túsip, qos halyqtyń ıgiligi úshin ilgerileı beretinine senim bildirdi.

Qasym-Jomart Toqaev sheıh Támım ben Hamad Ál Tánıdiń jaýapty qyzmetine tolaǵaı tabys, al Qatar halqyna qut-bereke tiledi.

Aıta keteıik, buǵan deıin Aqordada Memleket basshysy Qasym-Jomart Toqaev pen Gvıneıa-Bısaý Prezıdenti Ýmarý Sısoký Embalo joǵary deńgeıdegi kelissózderdiń qorytyndysynda birlesken málimdeme qabyldady.