Toqaev: Kásipkerlikti damytý baǵytynda ulttyq joba júzege asyrylyp jatyr

TALDYQORǴAN. QazAqparat – Kásipkerlikti damytý baǵytynda ulttyq joba júzege asyrylyp jatyr, biraq bul týraly halyqtyń kóbi bilmeıdi. Memleket basshysy Qasym-Jomart Toqaev Jetisý oblysynyń jurtshylyǵymen kezdesýinde osy máselege nazar aýdardy, dep habarlaıdy QazAqparat Aqordaǵa silteme jasap.

«Memleket kásipkerlikti jan-jaqty qoldaý úshin tıimdi tásilder qoldanyp jatyr. Atap aıtqanda, granttar, shaǵyn jáne jeńildetilgen nesıeler beriledi.

Osy óńirdegi eńbekke jaramdy halyqtyń úshten biri shaǵyn jáne orta bıznes salasynda jumys isteıdi. Aımaqtaǵy kásipkerlerdiń sanyn aıtarlyqtaı kóbeıtý úshin memleket tarapynan qoldaý sharalaryn kúsheıtý qajet.

Osy maqsatta arnaıy ulttyq joba júzege asyrylyp jatyr. Biraq, bul týraly halyqtyń kóbi bilmeı jatady. Sondyqtan, el ishinde bıznesti qoldaý saıasaty týraly aqparattyq-túsindirý jumysyn júrgizý qajet», - dedi Prezıdent.