Toqaev qarjy pıramıdalarymen kúresti kúsheıtýdi tapsyrdy

NUR-SULTAN. QazAqparat – Alaıaqtyq qylmystardyń kóbeıýine qatysty azamattar ádil narazylyq bildirýde. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jarııalaý kezinde málim etti, dep habarlaıdy QazAqparat.

Qylmyspen kúresýdiń praktıkalyq máselelerin nazardan tys qaldyrmaý kerek. Alaıaqtyqtyń kóbeıýine baılanysty azamattardyń narazylyq bildirýi oryndy», - dedi Memleket basshysy.

Prezıdenttiń aıtýynsha, Bas prokýratýra alaıaqtyqqa jáne qarjy pıramıdalaryna qarsy keshendi sharalar ázirleıtin bolady.

Sonymen qatar Q. Toqaev balalarǵa, sonyń ishinde ata-ana qamqorlyǵynsyz qalǵan balalarǵa qarsy jynystyq qylmystardyń aldyn-alý jáne onyń jolyn kesý erekshe baqylaýda bolýǵa tıis ekenin qadap aıtty.

«Óskeleń urpaqtyń bolashaǵyna qaýip tóndiretin taǵy bir qater – esirtki zattarynyń, sonyń ishinde sıntetıkalyq esirtkiniń de taralýy. Quqyq qorǵaý organdaryna bul qaterdiń azamattar arasynda, ásirese jastardyń ishinde taralýyna barynsha tosqaýyl qoıýdy tapsyramyn», - dedi Memleket basshysy.