Toqaev qandaı qylmystarǵa jazany qatańdatýdy usyndy

NUR-SULTAN. QazAqparat - Qazaqstan halqyna Joldaýynda Memleket basshysy Qasym-Jomart Toqaev birqatar aýyr qylmys túrine jazany qatańdatýdy tapsyrdy, dep habarlaıdy QazAqparat tilshisi.

«Biz sot ádildiginiń shamadan tys qýǵyn-súrgin jáne qatań sharalarynan bas tarttyq. Degenmen, elde áli de bolsa kóptegen aýyr qylmystar oryn alyp jatady», - dedi Memleket basshysy.

Qazaqstan Prezıdenti zańdy izgilendirýmen aınalysamyz dep júrip, adam quqyǵynyń negizin qalaıtyn keıbir máselelerdi nazardan tys qaldyryp alǵanymyzdy aıtty.

«Jedel túrde jynystyq zorlyq-zombylyqqa, pedofılııaǵa, esirtki taratýǵa, adam saýdalaýǵa, áıelderge qatysty turmystyq zorlyq-zombylyqqa, tulǵaǵa ásirese balalarǵa qarsy jasalatyn ózge de aýyr qylmystarǵa jazany qatańdatý qajet. Bul meniń Parlament pen Úkimetke tapsyrmam»,- dedi Toqaev.