Toqaev Erkin ekonomıkalyq aımaqtar jaıynda: Nashar basqarylady
«Iá, mıkro jáne shaǵyn bıznestiń damýyna serpin berý úshin olardy salyq tóleýden bosattyq. Bul, áleýmettik, tipti saıası kózqaras turǵysynan alyp qaraǵanda da ózin-ózi aqtady. Biraq, salyqtan jappaı bosata berý kúrdeli teris saldarǵa alyp kelýi múmkin. 2019 jyldyń ózinde ǵana 4,5 trln teńgege jeńildik berilgen. Bıýdjettiń shoǵyrlandyrylǵan kirisi 2005 jylǵy JІÓ-niń 32 paıyzynan 2019 jyly 18 paıyzǵa deıin qysqardy», - dedi Prezıdent.
Memleket basshysynyń dereginshe, erkin ekonomıkalyq aımaqtar aıasyndaǵy shartty túrdegi shyǵyn kóleminiń ózi 2 trln teńgeden asyp jyǵylady.
«Bıýdjetten 13 erkin ekonomıkalyq aımaqtyń ınfraqurylymyna qosymsha 340 mlrd teńge jumsalǵan. Al osy ýaqytta erkin ekonomıkalyq aımaqtardan tek 170 mlrd teńge ǵana salyq alynǵan. Nebári 18 myń ǵana jumys orny qurylǵan. Іs júzinde barlyq erkin ekonomıkalyq aımaqty sapaly tolyqtyrýda problemasy bar. ıAǵnı, nashar basqarylady. Basqa sózben aıtar bolsaq, erkin ekonomıkalyq aımaqtardyń qyzmetinen ótken 10-15 jyldyń ishinde aıtarlyqtaı nátıje baıqalmaıdy», - dedi Qasym-Jomart Toqaev.
Qazaqstan Prezıdenti Dýbaıdaǵy «Djebel Alı» erkin ekonomıkalyq aımaǵy eldiń JІÓ-siniń 25 paıyzyn, qala eksportynyń 50 paıyzyn jáne Birikken Arab Ámirlikterge keletin tikeleı shetel ınvestıtsııasynyń 20 paıyzyn qamtamasyz etetindigin mysalǵa keltirdi. Osyǵan oraı Memleket basshysy Úkimetke usynylatyn barlyq salyqtyq preferentsııalardyń tıimdiligine jáne maqsattylyǵyna tekserý júrgizýdi tapsyrdy.
«Árıne, barlyq erkin ekonomıkalyq aımaqtardy jaýyp tastaýǵa bolmaıdy. Bul problemany aqylǵa salyp qastyrý qajet», - dedi Qasym-Jomart Toqaev.