Toqaev Erdoǵandy 70 jasqa tolǵan mereıtoıymen quttyqtady

<p>ASTANA. KAZINFORM — Qasym-Jomart Toqaev Rejep Taııp Erdoǵandy 70 jasqa tolǵan mereıtoıymen quttyqtap, izgi tilegin jetkizdi. Sonymen qatar Túrkııa Prezıdentiniń kóregen saıasaty men qajyrly eńbeginiń arqasynda baýyrlas eldiń odan ári qarqyndy damyp, halyqaralyq qoǵamdastyqtaǵy bedeli arta túsetinine senim bildirdi.</p>

Áńgimelesý barysynda eki el basshylary saýda-ekonomıka jáne ınvestıtsııa salalaryndaǵy seriktestikti keńeıtýge basa mán bere otyryp, Qazaqstan men Túrkııa arasyndaǵy jan-jaqty strategııalyq yntymaqtastyqty órkendetý máselesi jóninde pikir almasty.

Sonymen qatar taraptar Qazaqstannyń Túrki memleketteri uıymyna tóraǵalyǵy kezindegi kún tártibiniń júzege asyrylý barysyn talqylady.