Toqaev ERAM systems kompanııasynyń negizin qalaýshy Arkadıı Dobkınmen kezdesti
«Kezdesý barysynda Qazaqstanda tolyqqandy tehnologııalyq hab qurý jáne IT salasynda adamı kapıtaldy damytý máseleleri áńgime arqaýyna aınaldy.
ERAM systems – baǵdarlamalyq qamtamasyz etý jáne kúrdeli tsıfrlyq platformalardy ázirleý qyzmetin kórsetetin álemdik jetekshi kompanııa», - delingen habarlamada.
Eske salaıyq, búgin Memleket basshysy jumys saparymen AQSh-qa bardy. Sapar barysynda birqatar kezdesý ótkizdi. Atap aıtqanda, jahandyq qarjy ınstıtýttarynyń jetekshilerimen, Grupo Los Grobo kompanııasynyń tóraǵasy Gýstavo Grobokopatelmen jáne Halyqaralyq damý ortalyǵy ósim zerthanasynyń dırektory, Garvard ýnıversıtetiniń professory Rıkardo Haýsmanmen, JPMorgan Chase & Co. kompanııasynyń tóraǵasy – bas atqarýshy dırektory Djeımı Daımonmen, Eurasia Group kompanııasynyń prezıdenti ıAn Bremmermen, S&P Global qarjylyq-taldaý kompanııasynyń vıtse-prezıdenti Denıel Ergınmen, Avstralııanyń burynǵy premer-mınıstri Kevın Raddpen, sondaı-aq shetelde turatyn ári álemniń jetekshi tehnologııalyq kompanııalarynda jumys istep jatqan 400 qazaqstandyqty biriktiretin Digital Nomads IT qoǵamdastyǵynyń ókilderimen kezdesti.