Toqaev: Ekonomıkalyq ósimniń senimdi kózi – sapaly adamı kapıtal
«Ekonomıkalyq ósimniń senimdi kózi – bul sapaly adamı kapıtal men syndarly mádenıetaralyq dıalog. BUU jarııalaǵan Halyqaralyq mádenıetterdiń jaqyndasý on jyldyǵy aıasynda biz elimizdiń mádenı alýantúrliligin saqtaý jáne halyqaralyq deńgeıde órkenıetaralyq dıalogty ilgeriletý saıasatyn jalǵastyramyz. Osy jyldyń qyrkúıek aıynda elordamyzda Álemdik jáne dástúrli dinder kóshbasshylarynyń kezekti sezi ótedi. Biz bul forýmnyń jumysyna Reseıden dinı jetekshilerdiń qatysýyn quptaımyz», - dedi Memleket basshysy.
Qasym-Jomart Toqaev Qazaqstanda jetekshi sheteldik ýnıversıtetterdiń qatysýymen joǵary bilim berý júıesin belsendi túrde qaıta formattaý júrgizilip jatqanyn aıtty.
«Qazaqstan-Reseı yntymaqtastyǵynyń dástúrlerin nyǵaıtý turǵysynan halyqaralyq akademııalyq baılanystardy tereńdetý erekshe mańyzǵa ıe. Birqatar birlesken bilim berý jáne mádenı bastamalardy sátti júzege asyrý elderimizdiń progressıvti ekonomıkalyq damýyna eleýli úles qosatynyna senimdimin», - dedi QR Prezıdenti.