Toqaev: Bizdiń maqsatymyz – tıimdi memleket jáne ádil qoǵam qurý

NUR-SULTAN. QazAqparat – Bizdiń maqsatymyz – tıimdi memleket jáne ádil qoǵam qurý. Bul týraly búgin elimizdiń birqatar azamatyn memlekettik nagradamen marapattaý rásiminde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Eń aldymen barshańyzdy Ulystyń uly kúnimen shyn júrekten quttyqtaımyn. Bul - tarıhy tereń tól merekemiz. Áz Naýryz tabıǵatty túletip, tirshilikke nár berip, jańarý men jańǵyrýǵa úndeıdi», -dedi Memleket basshysy.

Qazaqstan Prezıdenti kúni keshe ǵana halyqqa Joldaýyn jarııalap, «Jańa Qazaqstandy» qurýǵa jol ashatyn mańyzdy bastamalar usynǵanyn atap ótti.

«Munyń bári elimizde júzege asyrylyp jatqan saıası reformalardyń zańdy jalǵasy. Bizdiń maqsatymyz – tıimdi memleket jáne ádil qoǵam qurý, sondaı-aq halqymyzdyń ál-aýqatyn arttyryp, turmys sapasyn jaqsartý. Eń bastysy qasterli Táýelsizdigimizdi qorǵap, Qazaqstandy myqty memleketke aınaldyrý», - dedi Qasym-Jomart Toqaev.