Toqaev BAÁ Prezıdenti sheıh Muhammed ben Zaıd Ál Nahaıanmen telefon arqyly sóılesti

<p><strong>ASTANA. KAZINFORM &ndash;&nbsp;Memleket basshysy Qasym-Jomart Toqaev Ámirlikter tarapynyń bastamasymen osy eldiń Prezıdenti sheıh Muhammed ben Zaıd Ál Nahaıanmen telefon arqyly sóılesti. Bul týraly Aqordanyń baspasóz qyzmeti habarlady.&nbsp;</strong></p>

Taraptar ekijaqty yntymaqtastyqty damytý perspektıvalaryn talqylady. Atap aıtqanda, saýda-ekonomıkalyq jáne ınvestıtsııalyq salalardaǵy qatynastardy nyǵaıtýǵa basa mán berildi. Osy rette eki el basshylary Qazaqstan men Ámirlikter arasyndaǵy seriktestiktiń qazirgi deńgeıin joǵary baǵalaı otyryp, qol jetkizilgen barlyq ýaǵdalastyqty tıimdi júzege asyrýdyń mańyzdylyǵyn atap ótti.

Memleketter basshylary saıası dıalogty odan ári keńeıtýge, saýda-sattyq baılanystardy jandandyrýǵa jáne ekonomıkanyń túrli sektorlarynda birlesken jobalardy júzege asyrýǵa ózara nıetti ekenin rastady.

Áńgimelesý barysynda BAÁ Prezıdenti sheıh Muhammed ben Zaıd Ál Nahaıan Memleket basshysy Qasym-Jomart Toqaevty ótken týǵan kúnimen quttyqtady. 

Eske salsaq, buǵan deıin Qasym-Jomart Toqaev Reseı Prezıdenti Vladımır Pýtınmen telefon arqyly sóıleskenin jazǵan edik.