Toqaev az qamtylǵan otbasylarǵa qandaı áleýmettik qoldaý kórsetiletindigin aıtty
18:08, 26 Maýsym 2019
NUR-SULTAN. QazAqparat - Búgin Aqordada BAQ ókilderine QR Prezıdentiniń syılyqtary men granttaryn tabystaý rásiminde Memleket basshysy Qasym-Jomart Toqaev az qamtylǵan otbasylarǵa qandaı áleýmettik qoldaý kórsetiletindigin aıtty, dep habarlaıdy QazAqparat tilshisi.
Qazaqstan Prezıdenti Úkimet pen Ulttyq banktiń basty mindeti turǵyn qoljetimdiligin keńeıtý ekendigin atap ótti.
«Bul maqsattta halyqtyń az qamtylǵan toby úshin jaldamaly baspana qurylysynyń kólemi eki ese arttyrylatyn bolady. ıAǵnı, jylyna 20 myń páterge deıin jáne jumys isteıtin jastarǵa ázirshe úsh ese, jylyna 3 myń páterge deıin salynady», - dedi Memleket basshysy.
Q.Toqaev az qamtylǵan otbasylardyń balalaryn áleýmettik qoldaý sharalary júıelendiriletindigin basa aıtty.
«Ystyq tamaqpen, tegin jol júrý múmkinshiligimen, mekepke qajetti quraldarmen qamtamasyz etilip, qoǵam men demeýshilerdi keńinen tartý arqyly «Mektepke jol» jalpy respýblıkalyq aktsııasy jan-jaqty júzege asyrylady», - dedi QR Prezıdenti.