Toqaev Astana týraly: «Jasyl qala» ıdeıasyn júzege asyrýǵa aıryqsha mán beremiz
«Astana – bolashaǵy zor qala. Osy oraıda, biz «jasyl qala» ıdeıasyn júzege asyrýǵa aıryqsha mán beremiz. Elordamyz, eń aldymen, turǵyndarǵa yńǵaıly qala bolýy kerek. Astana – aımaqtaǵy iri qarjy ortalyǵy. Álemniń 75 eliniń 2 myńnan asa kompanııasy bıznes júrgizý úshin Astana halyqaralyq qarjy ortalyǵyn tańdady. Búginde Qarjy ortalyǵy elimizge 8 mıllıard dollar ınvestıtsııa tartty. Bul – jaqsy kórsetkish», - dedi Qasym-Jomart Toqaev elordada ótip jatqan Astananyń baýyrlas qalalar forýmynda.
Prezıdenttiń aıtýynsha, álemdik saıasatshylar Astanany beıbitshilik alańy deıdi.
«Ustanymy bólek, múddeleri kereǵar elder osynda bitimge keldi. Keleshekte de Astana bizdiń geosaıası aımaqtaǵy mańyzdy ortalyq retinde damı bermek. Men buǵan kámil senemin», - deıdi Memleket basshysy.