Toqaev AÓSShK jobalaryn qarjylandyrý úshin arnaıy qor qurýdy usyndy

DÝShANBE. QazAqparat - QR Prezıdenti Qasym-Jomart Toqaev AÓSShK aıasyndaǵy jobalardy qarjylandyrý boıynsha arnaıy qor qurýdy usyndy, dep habarlaıdy QazAqparat tilshisi.

«Keńestiń (Azııadaǵy ózara is-qımyl jáne senim sharalary keńesi - red.) barlyq negizgi baǵyttary boıynsha múshe-memleketterdiń taktıkalyq ózara árekettestigin keńeıtý ózekti bolyp otyr. Biz jobalar men baǵdarlamalar sekildi forýmnyń ózge de qyzmetin qarjylandyratyn arnaıy qor qurýdy usynamyz. Mundaı jańa mehanızm AÓSShK qyzmetine qosymsha stımýl bolýy tıis», - dedi Q. Toqaev Tájikstan astanasynda ótip jatqan AÓSShK sammıtinde.

Sonymen birge, ol adamı kapıtalǵa ınvestıtsııa salýdyń barlyq múshe-memleketterdiń ekonomıkalyq ál-aýqatyna yqpal etetinin atap ótti.

Odan bólek, Memleket basshysy AÓSShK elderine halyqaralyq terrorızmmen kúres boıynsha mindettemelerdi eske saldy.

«Halyqaralyq terrorızmge qarsy is-qımylǵa birlesken júıeli tásilderdi jasaý mańyzdy mindet bolyp otyr. Bul zulymdyqpen kúres boıynsha mindetteme BUU Bas assambleıasynyń 73-sessııasynda qabyldanǵan «Terrorızmnen azat álemge qol jetkizý» kodeksinde kórsetilgen», - dedi ol.

Qasym-Jomart Toqaev bul kodekstiń álemniń kóptegen elinen qoldaý tapqanyn aıtty.

«Kodeks AÓSShK keńistigindegi terrorızm qaýpiniń aldyn alý boıynsha usynymdardy ázirleýdiń mańyzdy bóligi bolar edi», - dep túıindedi sózin Qazaqstan Prezıdenti.