Toqaev: Aldymyzda armııamyzdy transformatsııalaý deıtin kúrdeli mindet tur

ASTANA. QazAqparat – Memleket basshysy Qasym-Jomart Toqaev Búkilarmııalyq keńestiń otyrysynda Úkimet pen ákimdikterge áskerı ınfraqurylymdy damytý isine atsalysýdy tapsyrdy, dep habarlaıdy QazAqparat tilshisi.

«Qazirgi áskerı ınfraqurylym sovet armııasynyń standarttary boıynsha qurylǵan. Búginde bizdiń aldymyzda armııamyzdy transformatsııalaý deıtin kúrdeli mindet tur. Biz buryn qoldanysta bolmaǵan jańa kókjıek quryp jatyrmyz. El aýmaǵyn jetel jabdyqtaý sharalary júrgizilip jatyr», - dedi Prezıdent.

Sondaı-aq, Qasym-Jomart Toqaev Úkimet pen ákimdikterge áskerı ınfraqurylymdy damytý isine atsalysýdy tapsyrdy.

«Oq-dárini saqtaıtyn qaýipti nysandar eldi mekenderdiń aýmaǵynan tysqary shyǵarylyp jatyr. Bul aýqymdy jumysty kúsh qurylymdarynyń moınyna ǵana artyp qoıý durys emes. Úkimet pen ákimdikterdiń áskerı ınfraqurylymdy damytý isine atsalysqany jón», - dedi Memleket basyshsy.

Aıta keteıik, Astanada Memleket basshysynyń qatysýymen Búkilarmııalyq keńestiń otyrysy ótti.

Buǵan deıin Qorǵanys mınıstrligine qarasty oqý oryndary pedagogteriniń jalaqysy ósetini belgili bolǵan edi.