Tok soqqan aqmolalyq turǵyn aýrýhanaǵa tústi: Іs qozǵaldy

KÓKShETAÝ. QazAqparat – Aqmola oblysynyń turǵynyn óndiris ornynda tok soqty. Er adam «qol-aıaǵynyń elektrlik kúıigi» dıagnozymen aýrýhanaǵa jetkizildi, dep habarlaıdy QazAqparat tilshisi.

Oblystyq Polıtsııa departamentiniń baspasóz qyzmetinen málim etkendeı, oqıǵa Stepnogor qalasynda boldy. Bul týraly jergilikti Polıtsııa basqarmasyna qalalyq aýrýhananyń qabyldaý bóliminen habarlap aıtqan.

«Anyqtalǵandaı, er adam qaladaǵy kásiporyndardyń birinde elektrık bolyp jumys istegen. Óndiris ornynda transformatordy jóndeý kezinde tok soqqan. Osy derekke baılanysty Qylmystyq kodekstiń 156-baby 1-bóligi boıynsha («Eńbekti qorǵaý zańnamasynyń buzylýy») sotqa deıingi tergeý amaldary júrgizilýde. Saraptama taǵaıyndalyp, memlekettik eńbek ınspektory tekserip jatyr», - dedi vedomstvodan.

Aıta ketsek, budan buryn Aqmola oblysynda er adam tokqa túsip, mert bolǵanyn jazǵan edik.