Toǵjanov áıelderdiń zeınet jasyn tómendetý týraly: Halyqaralyq tájirıbeni elge túsindirip jatyrmyz

NUR-SULTAN. QazAqparat – QR Premer-Mınıstriniń orynbasary Eraly Toǵjanov áıelderdiń zeınet jasyn tómendetýge qatysty pikir bildirdi, dep habarlaıdy QazAqparat tilshisi.

Úkimet otyrysynan keıin jýrnalısterdiń saýalyna jaýap bergen vıtse-premer Eraly Toǵjanov áıelderdiń zeınet jasyn neshege deıin tómendetýdi usynyp júrgenin aıtty.

«Áıelderdiń zeınet jasyn 58-ge deıin túsirýdi usynýshylar, onyń ishinde 55-ti aıtyp jatqandar da bar. Meniń jeke pikirim, dúnıejúzilik tájirıbeni alatyn bolsaq, munyń bári zeınet jasyn ósirýge baǵyttalǵan. Sondyqtan halyqaralyq naqty tájirıbelerdiń bárin eskeremiz. Bul – bir. Ekinshiden, naqty azamattardyń bolashaqta qarjysyn, zeınetaqysyn qamtamasyz etý úshin oǵan, sóz joq, aldymen eńbek ótili kerek. ıAǵnı, erteń alatyn zeınetaqyńyzdyń mólsheri sol eńbek ótiline baılanysty bolady. Sonyń bárin jáne azamattardyń áleýmettik jaǵdaıyn jaqsartatyn máselelerdi eskerýimiz qajet. Osy baǵytta azamattarǵa túsindirme jumystaryn júrgizemiz», - dedi Eraly Toǵjanov.

Vıtse-premer bul máseleni talqylaý úshin túrli toptarmen kezdesýler uıymdastyrylyp jatqanyn atady.

«Eshkim zeınet jasyn tómendetýge barǵaly otyrǵan joq. Biz talqylap jatyrmyz. Sonyń aıasynda túrli toptarmen kezdesip jatyrmyz. Sonyń ishinde osyndaı bastama kóterip júrgen toptarmen de kezdesip jatyrmyz. Ony sizder jaqsy bilesizder», - degen vıtse-premer naqty sheshim Áleýmettik kodeks aıasynda bıyl kúzde shyǵatynyn eske saldy.

Aıta ketsek, elimizde zeınet jasyn tómendetý máselesi jan-jaqty talqylanyp jatyr.