Toǵyz aıda bólshek saýda kólemi 13 mıllıard teńgeden asty

<p>2023 jyly qańtar-qyrkúıek aralyǵynda bólshek saýda kólemi 13 122,1 mlrd teńgeni qurady. 2022 jyldaǵy tıisti kezeńmen salystyrǵanda bul soma 7,2%-ǵa artqan, dep habarlady <a href="https://kaz.inform.kz/" target="_blank" rel="noopener">Kazinform&nbsp;</a> <a href="https://stat.gov.kz/news/aza-stan-respublikasynda-y-b-lshek-saudany-2023-zhyl-y-a-tar-yrk-yektegi-zha-dayy-turaly/" target="_blank" rel="noopener">Ulttyq statıstıka bıýrosyna</a> silteme jasap.&nbsp;</p>

Saýdamen aınalysatyn kásiporyndardyń taýarlardy bólshek saýdada ótkizý kólemi 8 937,2 mlrd teńgeni qurady, 2022 jylǵy tıisti kezeńge qaraǵanda bul 10,7%-ǵa joǵary.
Azyq-túlik taýarlarynyń bólshek saýdanyń jalpy kólemindegi úlesi 32,3%-dy qurady, azyq-túlikke jatpaıtyn taýarlardiki – 67,7%. 

Satý kóleminiń eń joǵary ósimi azyq-túlikke jatpaıtyn taýarlarǵa tıesili, atap aıtqanda motor otyny, avtomobıl, farmatsevtıka taýarlary, kompıýterler, perıferııalyq jabdyqtar men baǵdarlamalyq qamtamasyz etý, avtomobılderge arnalǵan qural-saımandar, aıaqkıim, jıhaz, saǵat jáne zergerlik buıymdar. 

2023 jylǵy 1 qazanǵa saýda kásiporyndarynyń taýar qorlarynyń kólemi (esep bergen kásiporyndar boıynsha) bólshek saýdada 1 539 mlrd teńgeni, saýda kúnderinde 71 kúndi qurady (2022 jylǵy 1 qazanǵa saýda kásiporyndarynyń taýar qorlarynyń kólemi 1201 mlrd teńgeni, saýda kúnderinde 61 kún qurady).

2023 jylǵy qańtar-qyrkúıekte respýblıkadaǵy bólshek saýdanyń jalpy kólemindegi edáýir joǵary úles Almaty (32%) men Astana qalalaryna (12,9%), Qaraǵandy (8%) jáne Shyǵys Qazaqstan (6,1%) oblystaryna tıesili.