Tobyldyń ústinen ótetin kópir Qostanaı oblysynyń menshigine berilýi múmkin

QOSTANAI. QazAqparat - Qostanaıdaǵy Tobyl ózeni arqyly ótetin kópir kommýnaldyq menshikke ótkizilýi múmkin. Bul jóninde QR Investıtsııalar jáne damý mınıstrliginiń saıtynda jarııalanǵan qujatta aıtyldy, dep habarlaıdy QazAqparat tilshisi.

«QR Investıtsııalar jáne damý mınıstrliginiń Avtokólik joldary komıtetiniń menshiginen Tobyl ózeninen M-36 «RF shekarasy- Almaty» avtomobıl joly arqyly arqyly ótetin kópir Qostanaı oblysynyń jeke menshigine ótkizilsin», - delingen Úkimettiń «Respýblıkanyń menshigindegi memlekettik múlikti Qostanaı oblysynyń kommýnaldyq menshigine aýdarý máselesi jónindegi» qaýlysynyń jobasynda.

Mınıstr Jeńis Qasymbektiń túsindirme jazbasynda kórsetilgendeı, avtokólik quraldarynyń Qostanaı aýmaǵyndaǵy toqtaýsyz jáne qaýipsiz qozǵalysyn qamtamasyz etý úshin múlikti aýdarý qajet.

Atalmysh faktige qatysty «QazAvtoJol» AQ-nyń Qostanaıdaǵy fılıaly pikir bildirdi. Kásiporyn dırektory Andreı Gorvattyń málimetinshe, bul máseleniń kóterilgenine birneshe jyldyń júzi bolǵan. Kópir qalanyń ishinde bolǵandyqtan, ony Qostanaı oblysynyń kommýnaldyq menshigine ótkizgen jón.