«Tobyl» men «Aqtóbe» teń tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda «Tobyl» men «Aqtóbe» teń tústi, dep habarlaıdy QazAqparat tilshisi.

Ekinshi oıyn kúnindegi negizgi kezdesýdiń biri «Tobyl» (Qostanaı) men «Aqtóbe» komandalary arasynda ótti. Kezdesýde komandalar 2:2 esebimen teń tarqasty.

Kezdesý barysynda aldymen aqtóbelik klýbtan Arman Keńesov 28 Lýka Gadranı 69-mınýtta eki gol soqqan edi. Oǵan «Tobyl» shabýylshysy Igor Sergeev 73, 85-mınýtta eki golmen jaýap qaıyrdy.

Al «Atyraý» óz alańynda Pavlodar oblysynyń «Aqsýyn» 2:1 esebimen súrindirdi.

Oıyn barysynda aqtaýlyq klýbtan Chkob Novak 89 93-mınýtta mergendik tanytsa, «Aqsý» capynan Qaırat Jyrǵalbekuly 65-mınýtta kózdegen nysanadan múlt ketken joq.

Endi 18:00-de «Qaırat» (Almaty) pen «Ordabasy» (Shymkent), 20:00-de «Qaısar» (Qyzylorda) men «Astana» jasyl alańǵa shyǵady.

Eske salsaq, 22 sáýirde «Maqtaral» óz alańynda «Jetisýdan» jeńilip qalsa , «Qyzyljar» men «Kaspıı» 1:1 esebimen teń oınady.

Al 23 sáýirde «Oqjetpes» pen «Shahter» teń nátıjege qanaǵat bildirdi.

Al segizinshi týr oıyndary 6 jáne 7 mamyr kúnderine belgilengen.