Tobyldy sý tasqynynan saqtap qalǵan bóget jóndelýde
11:47, 17 Tamyz 2024
<p>QOSTANAI. KAZINFORM – Qostanaı oblysyndaǵy Tobyl qalasyn bıylǵy kóktemde sý tasqynynan aman alyp qalǵan qorshaý bógeti aıtarlyqtaı zardap shekti. Búgingi tańda nysandaǵy jóndeý jumystary 53 paıyzǵa oryndaldy.</p>
Tobyl qalalyq turǵyn úı-kommýnaldyq sharýashylyq bóliminiń basshysy Jaqsylyq Ysqaqovtyń baıandaýynsha, qazirdiń ózinde sý ótkizgish qubyrlar bólshektelip, beton qubyrlaryn ornatýǵa jer daıyndalǵan.
«Sondaı-aq, barlyq armatýra, temirbeton qubyrlar men shlıýzder tolyǵymen satyp alyndy, topyraqty óńdeý jáne qosymsha sý ótkizgish qubyrlar úshin qumdy-qıyrshyqtasty qospadan jasalǵan irgetastardyń negizin toltyrý jumystary júrgizildi. Sońǵy tarmaq boıynsha olardy ornatý qajettiligi týraly sheshimdi kútip otyrmyz», - dedi basqarma basshysy.
Qazirgi ýaqytta bóget korpýsyn toltyrý jumystarynyń 70 paıyzy aıaqtaldy, bul 24 myń tekshe metr jerdi quraıdy. Jalpy oryndalǵan jumys kólemi 53 paıyzdy qurap otyr.