«Tobyl» óz alańynda «Jetisýdan» jeńilip qaldy

<p><span style="font-family: sans-serif; font-size: 18px;">Búgin, 24 qyrkúıekte fýtboldan Premer-lıga komandalary arasyndaǵy Qazaqstan birinshiliginiń 22-týrynda &laquo;Tobyl&raquo; óz alańynda &laquo;Jetisýdan&raquo; jeńilip qaldy, dep habarlaıdy QazAqparat tilshisi.</span></p>

Qostanaıdyń «Tobyly» óz alańynda Taldyqorǵannyń «Jetisý» komandasyn qabyldady.

Komandalar týrnır kestesinde qatarlas keledi. Dese de, qostanaılyq klýb úshin úzdikter qataryna jaqyndaýy úshin búgin jeńiske jetýi tıis bolatyn.

Kezdesý barysynda alań ıeleri qatarynan Islam Chesnokov 34-mınýtta esep ashty. Al odan keıin «Jetisý» sapynan Anes Rýshevıch 44, Nurbergen Nurbol 53-mınýtta mergendik tanytty.

Osylaısha «Tobyl» qarsylasyna 1:2 esebimen jol berdi.

Dál qazir Shymkentte jergilikti «Ordabasy» óz alańynda elordalyq «Astanamen» kezdesip jatyr.

Sondaı-aq, búgin «Oqjetpes» pen «Atyraý» komandalary 0:0 esebimen teń tústi.

Al 24 qyrkúıekte «Qyzyljar» men «Aqtóbe», «Qaırat» pen «Shahter» 0:0 esebimen teń oınasa, «Maqtaral» «Aqsýdan» 2:0, «Qaısar» «Kaspııden» 3:1 esebimen basym tústi.