«Tobyl» komandasy fýtboldan Qazaqstan Sýperkýbogynyń ıegeri atandy
Fınalda «Ordabasy» (Shymkent) men «Tobyl» (Qostanaı) komandalary kezdesti.
Sýperkýbok oıyndary bıyl 19-shi márte uıymdastyrylyp otyr. Oıyn alǵash ret elimizden tys jerde, Túrkııanyń Antalııa qalasyndaǵy «Tıtanık Mardan» stadıonynda ótkizildi.
Kezdesý barysynda komandalar jyldam gol soǵýǵa tyrysty. Dese de birinshi kezeńniń sońyna deıin qaqpa qulpy ashylǵan joq. Oıynnyń 45-mınýtynda «Ordabasy» fýtbolshysy Evgenıı Makarenko mergendigimen kózge tústi.
Ekinshi kezeńde qostanaılyq klýb tarazy basyn teńestirýge umtyldy. Nátıjesinde 64-mınýtta Ivan Mıladınovıch kózdegen nysanadan múlt ketken joq.
Kezdesýdiń negizgi kezeńi 1:1 esebimen teń aıaqtalyp, penaltıden «Tobyl» jeńiske jetti.
Qazirge deıin atalǵan týrnırdiń fınalda 10 komanda baq synaǵan. Olardyń arasynda «Astana» 10 márte fınalda baq synap, 5 ret (2011, 2015, 2018, 2019, 2020, 2023) Sýperkýbokty ıelendi. Odan keıingi kezekte Almatynyń «Qaıraty» 5 márte fınalda baq synap, sonyń ekeýinde (2016, 2017) jeńimpaz atandy.
Al, «Aqtóbe» 3 (2008, 2010, 2014), jáne «Tobyl» (2021, 2022) 2, «Elimaı» (1995), «Ordabasy» (2012), «Shahter» (2013) komandalary bir-birden jeńimpaz tuǵyrynan kórindi. Sondaı-aq «Atyraý», «Vostok» jáne «Qaısar» komandalary sýperkýbokqa shyqqanymen birde-bir márte oǵan qol jetkize alǵan joq.
Aıta keteıik, búgin fýtboldan 2024 jylǵy Qazaqstan sýperkýbogy ótetinin jazǵan bolatynbyz.