«Tobyl» klýbynyń basshylyǵy aınalasyndaǵy daý: Qostanaı oblysy ákiminiń pikiri

<p>Qostanaı oblysynyń ákimi Qumar Aqsaqalov Ortalyq kommýnıkatsııalar qyzmetinde ótken brıfıngte &laquo;Tobyl&raquo; klýbynyń basshylyǵyna baılanysty daýǵa pikir bildirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jazda Qostanaıdaǵy «Tobyl» klýbynyń 50 paıyz aktsııasyn Álimjan Qaldııar degen jas jigit satyp alǵany aıtyldy. Biraq jarty jyldaı ótse de Á.Qaldııardyń klýbqa óz qarjysyn salǵanyn áli kórgen joqpyz. Beıresmı derekterdi sizdiń týysyńyz ekeni aıtyldy. Bul qanshalyqty ras? Andreı Kanchelskıs (Atalǵan klýbtyń bas dırektory bolǵan – red.) Á.Qaldııardyń ústinen buryn alaıaqtyq týraly is qozǵalǵan deıdi. Osy týraly ne deısiz?», – dep surady jýrnalıst.

Ákim ol máseleniń bárin oblysqa barǵan soń anyqtaýǵa kirisetinin aıtty.

«Barǵan soń bárin jınap alyp, máseleniń mán-jaıyn anyqtaıyn. Jeke kásipkerlerdi ártúrli sport klýbtaryna tartý tájirıbesi bar. Ol da kerek. Óıtkeni bárin tek memleket qarajatymen kóterýge bolmaıdy. Búkil sheteldik tájirıbege súıenip, ártúrli kásipkerlerdi tartý kerek. Taǵy da aıtamyn, barǵan soń bul máseleni qaraımyz», – dedi Qumar Aqsaqalov.

Eske salaıyq, 23 qarashada Andreı Kanchelskıs «Tobyl» fýtbol klýbynyń basshylyǵy qyzmetinen ketkenin jazǵan edik. 

"Tobyl" bıyl Qazaqstan kýbogynyń ıegeri atanǵan bolatyn.