«Tobyl» - fýtboldan 2023 jylǵy Qazaqstan kýbogynyń ıegeri

<p>Búgin elordada fýtboldan Qazaqstan kýbogynyń ıegeri anyqtaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Elordada ótken Qazaqstan kýbogy fınalynda Shymkenttiń «Ordabasy» jáne Qostanaıdyń «Tobyl» komandalary sheberlik baıqasty.

Kezdesý basynan eki komanda birden-aq shabýylǵa kóshti. Bıyl chempıondyq ataqqa qol jetkizgen shymkenttik klýb kýbokty alýdy aldyna meje etti.

Al el birinshiliginde segizinshi oryndy mise tutqan qostanaılyq klýb aldaǵy jyly eýrokýbokta synǵa túsý úshin kýbokty jeńip alýy qajet edi.

Birinshi kezeńde eki komanda shabýylǵa kóbirek shyqty. Dese de tablodaǵy esepke ózgeris engen joq.

Ekinshi kezeńde de komandalar gol soǵatyn múmkindikti izdedi. Oıynnyń 67-mınýtta Islam Chesnokov mergendik tanytty.

Osylaısha «Tobyl» qarsylasynan 1:0 esebimen jeńip, Qazaqstan kýbogynyń ıegeri atandy.

Mundaı ataqqa qostanaılyq klýb sońǵy ret 2006 jyly qol jetkizgen edi.

Endi olar aldaǵy jyly Eýropa lıgasynda synǵa túsedi.

Al «Ordabasy» Chempıondar lıgasynda el namysyn qorǵasa, «Astana» men «Aqtóbe» Konferentsııa lıgasynda baq synaıdy.

Aıta ketsek, Qazaqstan kýbogy 1992 jyldan beri turaqty túrde ótkizilip keledi. Búginge deıin «Qaırat» 9 márte kýbokty tóbesine kóterdi.

Al «Jeńis» (Astana) men «Astana» - 3, «Qaısar» (Qyzylorda) men «Ordabasy» (Shymkent) - 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) - 1 márteden kýbok ıegeri atandy.